Datofin Mishtorja shet me kilogram: skanon etiketën e peshores dhe mishi hyn në shportë me peshën e saktë. Dërgesat te restorantet i mban me fletëdërgesa dhe i faturon në fund të muajit.
Mishi me kilogram dhe peshore, stoku dhe faturat për mishtoren.
Datofin Mishtore
Mishi me kilogram dhe peshore, stoku dhe faturat për mishtoren.
Për kë është: Mishtore, kasapë dhe dyqane mishi që furnizojnë edhe restorante.
Nga manuali i programit
Përshkrimi i marrë nga manuali që është brenda programit, me kapitujt e secilës faqe.
Prodhimi ka dy skeda: Prodhimi, ku regjistron çka prodhove (produkti hyn në stok dhe lënda e parë zbret vetë), dhe Normativat, ku shkruan sa lëndë e parë shkon për 1 njësi produkt (p.sh. 1 bukë = 0,33 kg miell + …).
Te Fletëdërgesat krijon dhe mban fletëdërgesat e hapura. Një fletëdërgesë mbulon një periudhë (zakonisht një muaj) dhe mbledh të gjitha dërgesat për një klient, secila me datën e porosisë dhe me emrin e atij që e porositi. Kur mbaron periudha, e përfundon dhe, nëse do, e kthen në faturë.
Arka e shitjes: skano ose kërko produktin, shtoje në shportë, zgjidh pagesën dhe printo kuponin. Çdo shitje regjistrohet vetë edhe te Fatura, prandaj hyn edhe te TVSH-ja dhe te Libri i Shitjes.
Menyja e plotë
Kështu duket menyja majtas në program. Çdo punëtor sheh vetëm faqet që i lejon roli.
Bashkë me çdo program
Arka me kupon: para në dorë, kartelë ose e kombinuar, pezullimi, kthimi i mallit dhe raporti X / Z.
Fatura A4 me numër vetë, PDF dhe notë krediti; profatura kthehet në faturë me një klik.
Faturat hyrëse e mbushin stokun; marzha, inventari dhe lista në Excel.
Libri i Shitjes dhe i Blerjes në Excel, TVSH-ja e muajit ose tatimi tremujor 3% / 9%.
Shitjet, blerjet, borxhet, produktet dhe klientët më të mirë të vitit.
Çdo punëtor hyn me PIN-in e vet me 4 shifra dhe sheh vetëm atë që i lejon roli.
Ndryshimet ruhen në kompjuter dhe sinkronizohen vetë mes kompjuterëve të biznesit.
Kopja ruhet në cloud; rikthim te cila do nga 30 ditët e fundit.
Pyetje
Programi lexon etiketat që printon peshorja: te produkti vendos numrin PLU të peshores, dhe kur skanon etiketën (barkodi që fillon me 2) produkti hyn në shportë me peshën ose me vlerën e saj. Formatin e etiketës e zgjedh një herë te Peshorja.
9,99 € në muaj ose 99,99 € në vit, plus TVSH. Ke 7 ditë provë falas, pa kartelë. Një abonim vlen për një biznes (NUI), bashkë me të gjithë kompjuterët e tij.
Po. Çdo ndryshim ruhet menjëherë në kompjuter dhe dërgohet te serveri sapo të ketë internet. Çdo natë serveri bën edhe një kopje rezervë në cloud.
Te Raportet ATK sheh TVSH-në e çdo muaji dhe shkarkon në Excel Librin e Shitjes dhe Librin e Blerjes. Nëse biznesi nuk ka numër TVSH-je, sheh qarkullimin dhe tatimin tremujor 3% ose 9%.
Jo ende. Kuponi i Datofin është jofiskal dhe në të shkruan JO KUPON FISKAL. Derisa Datofin të certifikohet nga ATK, kuponin fiskal jepe nga arka fiskale.
Shkarko Datofin Setup, zgjidh Mishtore në listë dhe hyr me NUI-në e biznesit. Pa kartelë.