Pyetje të shpeshta për Datofin

Datofin është program për Windows për faturat, arkën, stokun dhe raportet për ATK të bizneseve të vogla në Kosovë. Ka 54 programe, secili i përshtatur për një lloj biznesi: restoranti ka sallën me tavolina, barnatorja lotet dhe skadencat, auto servisi fletëdërgesat.

Për 54 lloje biznesesh: restorante, kafiteri, markete, barnatore, ordinanca, sallone, auto servise, hotele, auto sallone, kompani ndërtimi, zyra kontabiliteti dhe shumë të tjera. Lista e plotë është te faqja Programet.

Jo. Faturat, kuponat dhe blerjet i regjistron siç i bën çdo ditë, dhe programi i nxjerr vetë Librin e Shitjes, Librin e Blerjes, TVSH-në e muajit dhe pasqyrën vjetore. Kontabilisti yt mund t’i marrë librat drejtpërdrejt nga portali i kontabilistit.

Po. Manuali është brenda programit: butoni ? lart djathtas e hap te kapitulli i faqes ku je. Mund të kërkosh në të dhe ta printosh për punëtorët e rinj.

9,99 € në muaj + TVSH, ose 99,99 € në vit + TVSH. Me abonimin vjetor kurson rreth 17% krahasuar me pagesën mujore.

Pas regjistrimit me NUI-në ke 7 ditë provë falas, me të gjitha veçoritë. Nuk të kërkohet kartelë. Lart në program shihet sa ditë kanë mbetur.

Një abonim vlen për një biznes (një NUI) me programin e tij. Disa kompjuterë të të njëjtit biznes janë të përfshirë: programi i sinkronizon mes vete.

Për pagesë na shkruaj te [email protected]. Pasi paguan, kodi i licencës të vjen me email: e shkruan te Cilësimet → Llogaria → Kodi i licencës dhe klikon Aktivizo.

Del ekrani Abonimi ka përfunduar, ku mund ta shkruash licencën. Të dhënat ruhen dhe nuk humbin; kthehen sapo ta aktivizosh abonimin.

Po. Kur biznesi kalon te një program tjetër (p.sh. nga Datofin Market te Datofin Restorant), të dhënat e vjetra ruhen në arkiv dhe nuk fshihen. Punëtorët, logoja, vula dhe të dhënat e biznesit mbeten.

Shkarko Datofin Setup, zgjidh llojin e biznesit në listë dhe kliko Instalo. Shkarkohet dhe instalohet vetëm programi që të duhet. Herën tjetër e hap nga desktopi.

Me NUI-në e biznesit dhe me një kod 6-shifror që të vjen në email-in e biznesit. Pastaj çdo punëtor hyn me emrin dhe PIN-in e vet me 4 shifra.

Të dhënat e biznesit plotësohen vetë nga regjistri i bizneseve. Nëse NUI-ja nuk gjendet, i plotëson vetë të dhënat me S’e gjen biznesin në regjistër? Plotëso të dhënat vetë.

Një kompjuter me Windows. Herën e parë në çdo kompjuter duhet internet, që të merren të dhënat e biznesit nga serveri. Printeri i kuponave (80 mm) dhe skaneri i barkodit zgjidhen te Pajisjet; faturat A4 printohen me printerin që e zgjedh te dritarja e printimit.

Po. Çdo ndryshim ruhet menjëherë në kompjuter dhe dërgohet te serveri i Datofin sapo të ketë internet. Lart shihet gjendja, p.sh. Sinkronizuar 14:32:05 ose Pa internet · 3 në pritje.

Faturat dhe puna tjetër vazhdojnë normalisht. Kuponat duhet të dërgohen brenda 48 orëve: pas 24 orësh pa internet programi të paralajmëron, dhe kuponat dërgohen vetë sapo të ketë internet.

Po. Instalon të njëjtin program në kompjuterin tjetër dhe hyn me NUI-në. Ndryshimet nga njëri arrijnë te të tjerët pas pak çastesh, kur ka internet. Çdo kompjuter është arkë më vete, me kuponat dhe raportet Z të veta.

Jo. Datofin është program: pajisjet i blen vetë biznesi, dhe për prishje ose servis drejtohu te shitësi i tyre. Na shkruaj kur ke pyetje për programin.

Çdo natë serveri i Datofin bën vetë një kopje të të dhënave të biznesit dhe e ruan në cloud. Programi mban edhe në kompjuter një kopje për secilën nga 7 ditët e fundit. Nuk ke nevojë të bësh kopje me dorë.

Po, te çdo ditë nga 30 ditët e fundit. Rikthimin e bën Administratori nga programi (Cilësimet → Llogaria → Kopjet e të dhënave) ose nga datofin.com/login, me kod nga email-i; mund ta bëjmë edhe ne për ty. Kopjet mbahen 30 ditë, ndërsa faturat dhe dokumentet e tjera mbeten te llogaria jote.

Instalon programin në kompjuterin e ri, hyn me NUI-në dhe kodin nga email-i, dhe të gjitha të dhënat që kanë arritur te serveri kthehen vetë.

Vetë. Programi kontrollon për përditësime kur hapet dhe pastaj çdo 30 minuta, e shkarkon në sfond dhe e instalon kur e rinis ose kur e mbyll. Të dhënat nuk humbin.

Librin e Shitjes dhe Librin e Blerjes në Excel, TVSH-në që duhet paguar çdo muaj, Listën e Pagave dhe Listën e Qirasë, si dhe pasqyrën vjetore me të ardhurat, shpenzimet dhe fitimin.

Po. Kur numri i TVSH-së mbetet bosh, faturat dhe kuponat dalin pa TVSH, dhe te Raportet ATK sheh qarkullimin dhe tatimin tremujor 3% (tregti) ose 9% (shërbime). Kur i afrohesh pragut prej 30.000 € në vit, programi të paralajmëron.

Jo ende. Kuponi i Datofin është jofiskal dhe në të shkruan JO KUPON FISKAL. Derisa Datofin të certifikohet nga ATK, kuponin fiskal jepe nga arka fiskale.

Administratori krijon një kod për kontabilistin te Cilësimet → Llogaria → Kontabilisti. Me të, kontabilisti e lidh biznesin te portali i kontabilistit (datofin.com/kontabilist) dhe e nxjerr vetë Librin e Shitjes dhe të Blerjes.

Çdo punëtor ka emrin dhe PIN-in e vet me 4 shifra. Shitjet shënohen me emrin e punëtorit që ka hyrë.

Varet nga roli: Administrator, Menaxher, Arkëtar / shitës, Kontabilist ose I personalizuar. P.sh. arkëtari punon me shitjen, stokun, klientët dhe faturat hyrëse, dhe sheh vetëm shitjet e veta. Zbritjet, anulimet dhe mbyllja e ditës kërkojnë leje të veçanta.

Administratori i vendos punëtorit PIN të ri. Pronari që e harron PIN-in hyn me NUI-në dhe kodin nga email-i dhe e ndryshon vetë.