Si funksionon Datofin: nga shkarkimi te kuponi i parë
Katër hapa, pa teknik dhe pa konfigurime të ndërlikuara. Pastaj programi punon në kompjuterin tënd, edhe kur bie interneti.
Shkarko Datofin Setup
Programi i instalimit është i njëjtë për çdo biznes. Hape në kompjuterin me Windows dhe, kur Windows kërkon leje për instalimin, pranoje.
- Nuk ka nevojë për CD ose për teknik.
- Në çdo kompjuter të biznesit përdoret i njëjti Setup.
Zgjidh llojin e biznesit
Gjej biznesin tënd në listë ose shkruaje te Kërko llojin e biznesit…, pastaj kliko kartën me Instalo. Shkarkohet dhe instalohet vetëm programi që të duhet.
- Hapat Shkarkimi, Instalimi dhe Gati shihen në ekran.
- Herën tjetër programin e hap nga desktopi.
Regjistro biznesin me NUI
Zgjidh Regjistro biznesin dhe shkruaj NUI-në: të dhënat plotësohen vetë nga regjistri i bizneseve. Shkruaj email-in e biznesit dhe kodin 6-shifror që të vjen aty. Me kaq fillon prova falas 7 ditë.
- Nëse NUI-ja nuk gjendet, i plotëson të dhënat vetë.
- Lëre numrin e TVSH-së bosh nëse biznesi nuk është në TVSH.
- Biznesi që ka llogari hyn me Kam llogari, NUI-në dhe kodin nga email-i.
Krijo Administratorin dhe fillo punën
Shkruaj emrin tënd dhe një PIN me 4 shifra. Shto punëtorët te Cilësimet → Punëtorët, zgjidh printerët dhe skanerin për këtë kompjuter, dhe je gati.
- Programi pyet Kush po punon? sa herë hapet.
- Manuali është brenda programit, te butoni ?.
Pa internet, disa kompjuterë, kopje çdo natë
Pas instalimit: programi punon, serveri ruan
Çdo ndryshim ruhet menjëherë në kompjuter dhe dërgohet te serveri i Datofin sapo të ketë internet. Kompjuterët e tjerë të biznesit e marrin vetë pas pak çastesh.
Pa internet
Shitja dhe faturat vazhdojnë. Kuponat dërgohen brenda 48 orëve, siç kërkon ATK-ja.
Disa kompjuterë
Të njëjtat të dhëna në çdo kompjuter; secili është arkë më vete.
Rikthim 30 ditë
Nga programi, nga datofin.com/login ose nga Datofin për ty.
Përditësime vetë
Versioni i ri shkarkohet në sfond; të dhënat nuk preken.
Kur të duhet
Situatat e zakonshme, të zgjidhura
Kompjuter tjetër i biznesit
Instalo të njëjtin program, zgjidh Kam llogari dhe hyr me NUI-në. Të dhënat vijnë nga serveri; zgjidh printerët për atë kompjuter.
Kompjuter i ri ose i prishur
Instalo programin dhe hyr me NUI-në dhe kodin nga email-i: të gjitha të dhënat që kanë arritur te serveri kthehen vetë.
Rikthim te një ditë e mëparshme
Te Cilësimet → Llogaria → Kopjet e të dhënave zgjedh ditën nga 30 të fundit dhe konfirmon me kodin nga email-i.
Biznesi ndryshon veprimtari
Kalon te programi tjetër me NUI-në; të dhënat e vjetra ruhen në arkiv dhe nuk fshihen.
Harrohet PIN-i
Administratori vendos PIN të ri. Pronari hyn me NUI-në dhe kodin nga email-i dhe e ndryshon vetë.
Kontabilisti
Krijo kodin te Cilësimet → Llogaria → Kontabilisti; kontabilisti e lidh biznesin te portali dhe i nxjerr librat vetë.
Gati ta provosh në biznesin tënd?
Shkarko Datofin Setup, zgjidh llojin e biznesit dhe hyr me NUI-në. Ke 7 ditë provë falas, pa kartelë.